Til at fyriskipa felagsins viðurskifti verður vald ein nevnd. Í nevndina skulu á ársaðalfundinum veljast í minsta lagi 3 og í mesta lagi 5 persónar. 

Persónur, sum sjálvur ikki er á fundinum, kann ikki veljast, uttan skrivlig játtan fyriliggur um, at viðkomandi vil taka við, um hann verður valdur. 

Á ársaðalfundinum kunnu veljast ein forkvinna/formaður, næstforkvinna/næstformaður, kassameistari, skrivari og ein nevndarlimur, tó í minsta lagi ein forkvinna/-maður, kassameistari og ein skrivari. Nevndin verður vald á tann hátt, at limirnir verða valdir fyri 2 ár. 

Tó standa ávíkavist 1, 2 og 3 limir fyri vali hvørt árið, alt eftir tali av nevndarlimum.

Afturval er loyvt í øllum føri. Nevndin hevur ábyrgdina av allari leiðslu felagsins, men hevur rætt til at velja sær hjálpartoymir. 

Nevndin hevur eisini ábyrgdina á ársaðalfundi at boða frá, hvørji hesi møguligu hjálpartoymi verða og hvør kemur at manna ávísu toymini. 

Tad er nevndin, sum gevur leiðreglur til hjálpartoymini at fylgja, so sum at skriva fundarbók v.m. 

Nevndin skal føra gerðabók og til teir minstu lutir føra bók yvir ognir felagsins, innkrevja allar inntøkur og eigur heimild at gjalda allar neyðugar útreiðslur.

§6 Aðalfundur

Ársaðalfundurin verður hildin áðrenn mai mánaður er farin og hevur hægsta avgerðarrætt í øllum felagsmálum. 

Ársaðalfundurin skal boðast frá skrivliga í minsta lagi 14 dagar frammanundan. Í innkallingini skal verða sagt frá fundarstadi, fundartíð og fundarskrá. 

Mál, sum limir vilja hava til viðgerðar, skulu vera nevndini í hendi í minsta lagi 12 dagar undan aðalfundinum. 

Vanligt fleirtal er nóg mikið at avgera øll mál. 

Tá ið lógliga er boðað til aðalfundar, er hann avgerðarførur. Eingin limur kann greiða atkvøðu uttan sjálvur at koma á fund. Atkvøðurætt hava allir virkandi limir, sum hava fylt 15 ár og avvarðandi at limum, sum møta upp til aðalfundin.

Á ársaðalfundinum er fundarskráin hendan: 

• Val av orðstýrara

• Frágreiðing nevndarinnar fyri farna árið 

• Framløga av roknskapi felagsins 

• Val av nevndarlimum

• Innkomin mál 

• Yniskt 

Til val av nevndarlimum verður víst til ásetingar í §5. 

§7 Eykaaðalfundur

Eykaaðalfundur kann boðast til, tá ið nevndin heldur tad er neyðugt, ella tá í minsta lagi 16 av teimum limum, ið hava atkvøðurætt, krevja tað. Eitt slikt krav má verða grundað og sendast nevndini skrivliga.

§8 Limaskapur í sameining

Um so at felagið er limur í eini sameining av ítróttarfeløgum, skulu limir verða skyldugir at geva seg undir ta lóg og tær ásetingar, sum sameiningin samtykkir fyri limir sínar. 

Felagið kann ikki skrivast sum limir av slíkari sameining uttan at aðalfundurin hevur játtað. 

§9 Viðtøkubroytingar

At broyta viðtøkurnar krevst, at í minsta lagi 2/3 av møttu limunum atkvøða fyri.

§11 Avtøka

At taka felagið av krevst, at í minsta lagi 2/3 av limum felagsins eru á fundi og samstundis eisini atkvøða fyri. Er ikki neyðugi meirilutin av limunum á fundi, kann nevndin kalla inn til eykaaðalfundar, har felagið kann verða tikið av, um 2/3 av givnum atkvøðum eru fyri, líkamikið hvussu nógvir limir eru møttir.

Verður felagið tikið av, velur aðalfundurin ein ella fleiri likvidatorar. Eitt møguligt avlop skal nýtast til eitthvørt ítróttarligt ella vælgerðandi endamál. Ognir felagsins verða at deila út ímillum ítróttarfeløgini í Fuglafjarðar kommunu.